Mesazhi që zbulon paraskenat e aksionit: Kush fshihet pas gomones së drogës në Vlorë dhe urdhri në radio

Policia njoftoi mëngjesin e sotëm ndjekjen e më pas gjetjen e një gomoneje që dyshohet se transportonte drogë, në brendësi të lumit Vjosë, në afërsi të Mifolit. Nuk u raportua për asnjë të arrestuar dhe as lëndë narkotike të gjetur në mjetin lundrues.

Dy njoftimet e Policisë për ngjarjen

Ish-kryeministri Sali Berisha ka reaguar lidhur me ngjarjen, duke publikuar një denoncim për të cilin tregon se ka ardhur në adresë të tij, nga një person, që zbulon se është ish-punonjës policie.

Sipas mesazhit, që Berisha e ka publikuar në FB, thuhet se skafistët në bordin e gomones ishin njerëz të lidhur me pushtetin dhe se efektivëve të policisë u ishte dhënë urdhër të mos i arrestonin, por vetëm të bënin show.

“Urdhri show të behet, skafistët të mos preken! Oficeri dixhital denoncon: Skafistet janë ‘tanët’ të mos preken”, shkruan Berisha në postimin në faqen e tij në FB, ku publikon dhe mesazhin e denonuesit.

LEXO EDHE  Aksident i rëndë në Rinas/ Përplasen dy makina, njëra përbyset ndërsa tjetra ... (Foto)

Në mesazh, lexohet: “Jam ish oficer policie. Sipas burimeve të disa miqve të mi që janë aktualisht në Polici të Shtetit, në lidhje me skafin e ngarkuar plot me drogë, me informojnë që: pasi ata u vunë në ndjeke të skafit, dikush me radio i raportoi që të bëjnë thjesht Show, sepse janë njerëzit e partisë (rilindjes) dhe mos guxojnë ti arrestojnë dhe ashtu ndodhi. Pasi i ndoqën në det të hapur me demek për gati 5 orë dhe siguruan që ata drogën e hodhën në det dhe u fshehën skafistët. Policia doli direkt me deklaratë dhe raportoi që kapen vetëm skafin mbas 5 orësh, kjo është policia e rilindjes”.