Rama paralajmëron opozitën: Basha dhe Peço Vasili të bëjnë kujdes se për atë Zot, Zgjedhorja nuk bëhet!

Kryeministri Edi Rama paralajmëroi opozitën mos të akuzojnë mazhorancën, ose Reforma Zgjedhore, mund të mos realizohet.

“Ajo që i them Bashës dhe Peço Vasilit është mos vazhdoni të dilni e të shani, të shantazhoni, mos nxirrni lloj të papunësh të kësaj foltoreje që për të siguruar rrogën, punojnë si sharës profesionistë në këtë foltore për të sulmuar PS. Mos na tundoni se për atë Zot ajo  marrëveshje ka krijuar kushtet pozitive në raport me klimën dhe partneret, po për mua personalisht s’është reformë, është një kthim i madh mbrapa që kemi bërë ne që jemi në këtë krah. E kemi bërë në funksion të faktit që Shqipëria mos të bëhet prapë muhabet kafenesh lart e poshtë në Europë”, tha Rama, nga foltorja e Kuvendit.

LEXO EDHE  Bardhi-Metës: Ke halle të përbashkëta me Berishën, përdorni gjuhë të padenjë

“Por një fije peri e ndan realizimin deri në fundet të marrëveshjen nga grisja, dhe ketë fije peri duhet ta ruajë Lulzim Basha bashkë me Peço Vasilin e të gjithë ata që nuk ia kemi për borxh që të na sulmojnë çdo ditë, të shpifin çdo ditë, të akuzojnë çdo ditë. Ndërkohë, që dua s’dua unë personalisht, është fakt që shumica dërrmuese e shqiptarëve as nuk e pëlqejnë atë marrëveshje dhe nuk duan listat e mbyllura”, shtoi ai.