Kryeministri Edi Rama foli sot lidhur me miratimin e Eurobondit, ndërsa ka shprehur keqardhjen që ky lajm i jashtëzakonshëm, siç e konsideroi ai, nuk ka marrë vëmendjen e duhur.
“Ne kemi marrë dje një lajm shumë të mirë nga tregjet e kapitaleve dhe kemi arritur një rezultat që na inkurajon shumë dhe që faktikisht garanton planin e ri kombëtar Shqipëria 2030 për një transformim ekonomik e social, duke adresuar rimëkëmbjen se ne dolëm nga dy goditje njëra pas tjetrës dhe ambicien tonë për një shtysë të fortë para të ekonomisë dhe punësimit në vitet e ardhshme”, tha Rama.
Ai shtoi se sapo Qeveria të jetë gati, do të vijohet me planin e ri kombëtar, i cili nuk do të jetë plan zhvillimi në letër, aq më pak strategji në dokument që duhet përkthyer në masa, por një plan veprimi i kalendarizuar në afat të shkurtër, mesëm dhe të gjatë.
“Ajo që ka ndodhur dje me Shqiperinë, është ajo që merr vlerësimin e situatës në aspektin e gjithë parametrave ekonomike dhe merr vlerësimin lidhur me riskun. Më vjen keq që ky lajm i jashtëzakonshëm nuk ka marrë vëmendjen e duhur, dhe më keq që për atë pjesë të vëmendjes që opozita i ka kushtuar këtij lajmi ka vazhduar një avaz që në këtë rast nuk shkon fare se bëhet fjalë për Shqipërinë dhe popullin jo për qeverinë edhe pse nuk diskutohet që është meritë e kësaj qeverie që dalim me këtë vlerësim në tregjet e kapitaleve pas dy goditjeve.
Por ne dolëm me një prim zero dhe më vjen keq që flitet në mënyrë të ngjashme me fluturimin e balonave tabake pa bisht, ishin më të bukura dhe bindëse se ato tauket, që ishin thjesht me fletë a4, ato tabake kishin skelet dhe formë ndjellëse, po kur nuk kishin bisht nuk fluturonin dot, e më vjen keq që si balonë tabakë PD flet për gëzim pse morëm borxh, ndërkohë që duhet të hidhëroheshim, e kundërta është e vërtetë, ne kemi marrë konfirmim nga tregjet që na bën vend të besueshëm plotësisht, na jep mundësinë të zgjerojmë bazën e financimit të ekonomisë e investimit.
Kur vendi del në tregjet e kapitaleve është në një proces të hapur, ku synimet jo gjithmonë përputhen me synimet e tregjeve. Kur qeverisnin ata që sot janë të hidhëruar pse u arrit ky rezultat, që gjatë procesit të daljes në treg, hyri për 7 e doli me 11, doli me një barrë të tmerrshme. Atyre që thonë ‘hë mo se borxh morët’, ju them se nuk mjafton të duash të marrësh borxh se duhet të gjesh ata që japin borxhe dhe ata e japin në bazë të besimit që bazohet mbi shifra. Ky është një konfirmim i të kundërtave të gjithë atyre që thuhen për gjendjen financiare të vendit. Dua t’ju lexoj SMS që kam marrë nga drejtuesi i bankës që ishte konsulenti ynë, në një moment kaq të rëndësishëm për ekonominë: I dashur kryeministër, kemi mbyllur misionin e eurobondit 650 mln për 7 vite me 3.625 interes. Shqipëria është i pari vend që arrin të dalë me një print zero, është një sukses i jashtëzakonshem duke marrë parasysh tregjet sot”, tha Rama.
Sipas tij, “po të bëjmë një krahasim, emisioni i fundit i eurobondit që Maqedonia mori para pak ditësh flet vetë duke patur parasysh që reitingu i Maqedonisë është BB. Për kujtesë, emisioni i eurobondit në 2018 ishte 3.55 dhe jemi veçanërisht të lumtur për faktin që jemi shumë afër me të pas dy goditjesh, tërmetit dhe pandemisë”.
Duke iu përgjigjur akuzave të opozitës, Rama tha se ajo ka vazhduar avazin.
“Më vjen keq që për atë pjesë të vëmendjes që opozita i ka kushtuar ka vazhduar një avaz që nuk shkon fare, pasi bëhet fjalë për Shqipërinë.
Më vjen keq që flitet në mënyrë të ngjashme me fluturimin e atyre balonave tabake pa bisht dhe bishti ishte një element i rëndësishëm i balonës. Balonat tabake ishin më bindëse se balonat tauke. Balonat tabake kishin edhe një skelet simetrik dhe një formë ndjellëse, por kur nuk kishin bisht nuk fluturonin dot. Ndërkohë PD flet për një gëzim për faktin që morëm borxh. Ne kemi marrë një konfirmim nga tregjet dhe në radhë të parë na bën të besueshëm.
Në radhë të dytë na jep mundësinë të zgjerojmë bazën tonë të ekonomisë. Është një bazë që përfundimisht konsolidon planin tonë kombëtar. Kur vendi del në tregjet e kapitaleve është në një proces të hapur zgjerimi”, tha Rama.
