Tre raste të reja me Covid 19 në Elbasan/ Ja si u infektuan

Coronavirus outbreak. Pathogen affecting the respiratory tract. COVID-19 infection. Concept of a pandemic, viral infection. Coronavirus inside a human. Viral infection causing chronic disease. 3D illustration

Tre raste të reja me Covid-19 janë zbuluar në Elbasan, duke e çuar në 15 numrin e të prekurve në këtë qytet.

Mësohet se dy nga pacientët e rinj janë një çift bashkëshortësh 35 vjeçarë dhe nëna e njërit prej tyre.

Ndërkohë dyshohet se numri i të infektuarve mund të rritet, pasi pritet përgjigjia e testeve edhe për dy studentë të vitit të parë të gazetarisë në Universitetin Aleksandër Xhuvani, dhe një postieri, rreth 45 vjeç.

Gjithashtu raportohet se në listën e personave që pritet t´i merren tamponët janë edhe dy prokurorë, 5 avokatë dhe 4 gjyqtarë, që kanë frekuentuar restorantin, që ka funksionuar deri në 1 javë më parë.

LEXO EDHE  U gjet i vrarë me plumb në kokë, 27-vjeçari dyshohet se u ekzekutua për gjakmarrje

Nga gjurmimi i rasteve ka rezultuar se 3 pacientët e rinj janë infektuar në restorantin që qëndronte i hapur në qendër të Elbasanit, atje ku kanë rezultuar pozitivë edhe pronari i restorantit dhe bashkëshortja e tij.

Nuk dihet ende se si një lokal në qendër të qytetit, përballë Gjykatës, ka vijuar punën pas urdhërit të Qeverisë për mbylljen e disa bizneseve, përfshi edhe lokale dhe restorante, në kuadrin e masave kundër Covid-19.

Në të njëjtin restorant dyshohet se është infektuar edhe një kasap, i cili e furnizonte me mish restorantin.