Një ngjarje e rëndë është regjistruar në Prrenjas, ku një 69-vjeçar është arrestuar nga policia pasi dyshohet se ka tentuar të djegë bashkëshorten e tij.
Sipas informacioneve paraprake, i moshuari dyshohet se për motive të dobëta ka lyer me benzinë gruan e tij, 67 vjeçe, dhe më pas i ka vënë flakën.
Pas ngjarjes, e dëmtuara është transportuar për ndihmë mjekësore në spital, ku po merr trajtimin e nevojshëm mjekësor.
Ndërkohë, shërbimet e Policisë kanë vënë në pranga 69-vjeçarin, ndërsa ndaj tij kanë nisur procedurat ligjore për zbardhjen e plotë të rrethanave të ngjarjes.
Grupi hetimor po punon për të dokumentuar ngjarjen dhe për të përcaktuar shkaqet që çuan në këtë akt të rëndë.
