Elbasani po përballet ditën e sotme me një stuhi të fuqishme rrebeshi.
Siç shihet edhe në videot e dërguara në redaksinë e Boldnews.al, moti i keq ka pushtuar Elbasanin dhe makinat po qarkullojnë me vështirësi për shkak të shiut të dendur.
Ndërkohë, më herët gjatë ditës së sotme, janë regjistruar dhjetëra goditje rrufesh në Parkun Kombëtar të Shebenikut, në Malësinë e Sopotit, Polisit, Xhyrës, Dardhës dhe Spatharit.
Ngjarja më dramatike ka ndodhur në fshatin Spathar në Njësinë Administrative Qendër, në vendin e njohur si “Arrës”, ku një tufë dhish është goditur nga rrufeja. Si pasojë e shkarkesës së fuqishme elektrike, të gjitha bagëtitë kanë ngordhur në vend.
