Sot hidhet shorti i Nation League, rrezikohet derbi Shqipëri-Kosovë

Nations League do të zhvillohet për herë të dytë në historinë e saj. Ndërsa sot, prej orës 18:00, do të hidhet shorti në Amsterdam dhe do të mësohen grupet për të gjitha ligat, A, B, C dhe D.

Shqipëria, sikurse dihet, merr pjesë në Ligën C, në vazon e parë dhe mund t’i rezervohet nga shorti një derbi me Kosovën, që është në vazon e dytë.

LEXO EDHE  COVID-19/ Lojtarët e Bayern Munich pranojnë shkurtimin e pagave deri në fund të sezonit

Gjithashtu rrezikohet një përballje me fqinjët e Malit të Zi. Dy ekipet më të mira në Nations League u bashkohen 10 ekipeve të renditura në vendin e dytë në kualifikueset e Botërorit, për të përcaktuar 6 skuadrat që shkojnë në kompeticionin madhor.

Ndeshjet nisin më 3 shtator dhe gjithçka mbyllet me finalet, më 6 qershor të vitit 2021.