Skuadra e Milanit e fillon gjithçka nga e para pasi te kuqëzinjtë po përgatitet një revolucion për sa i përket strukturave drejtuese të klubit.
Shefi ekzekutiv i Milani-t, Ivan Gazidis, ka vendosur që trajneri i ardhshëm i kuqezinjve do të jetë gjermani Ralf Rangnick, i cili do të ketë një rol më të zgjeruar ashtu siç ndodh në skuadrat e Premier League.
Një zgjedhje e tillë nga CEO i Milanit ka lënë të pakënaqur Zvonimir Boban dhe Paolo Maldini, të cilët, sipas “La Gazzetta dello Sport”, me shumë mundësi do të largohen nga klubi.
Ky ndryshim radikal në klub do të ketë pasoja edhe në fushë, pasi nuk do të prekë vetëm trajnerin aktual, Stefano Pioli. Lamtumira e Boban vë në dyshim edhe të ardhmen e Zlatan Ibrahimovic, i cili këto ditë do të vendosë për rinovimin ose jo të kontratës me Milanin edhe për sezonin e ardhshëm.