Chelsea i ka dhënë “shuplakën” e radhës Liverpoolit të Jurgen Kloppit. Ekipi i trajnerit Frank Lampard fitoi 2-0 në Stamford Bridge duke kaluar në turin tjetër të FA Cup. Londinezët shënuan nga një gol për çdo pjesë dhe kaq mjaftoi për të marrë një fitore me vlera.
Goli i parë u shënua nga Willian në minutën e 13′. Ai gjuajti fort nga distanca, por gjuajtja e tij nuk gjeti reagimin e duhur të Ardian që e shtyu drejt portës së “Redsave”.
Loja vazhdoi me vrull, por lajmi i keq ishte dëmtimi i Mato Kovacicit. Kroati la fushën e lojës në minutën e 42′.
Pjesa e dytë u mendua se do të sillte një tjetër Liverpool, por ishte sërish skuadra e Chelseat që shënoi duke i dhënë shkelmin përfundimtar sfidës.
Barkley i vendosi vulën sfidës, pasi në minutën e 64′ vrapoi rreth 50 metra me topin në këmbë i pashqetësuar nga kundërshtarët dhe me një gjuajtje të fortë e pushoi topin në rrjetë për 2-0. Chelsea kalon në turin tjetër, ndërsa një mini-krizë ka përfshirë Liverpoolin.
🏆 Chelsea vs Liverpool | Barkley (GOAL!!!) 64′ #CHELIV pic.twitter.com/AeLUEYmFlK
— D9INE (@D9INE_EUROPE_) March 3, 2020
