Bayern Munich ka arritur të sigurojë kalimin në gjysmëfinalet e Kupës së Gjermanisë, pasi ka triumfuar me shifrat 0-1 në fushën e Schalke 04.
Ndeshja nisi më mirë për vendasit, por me kalimin e minutave miqtë nga Mynihu dominuan gjithçka. Rastet e krijuara arritën të konkretizoheshin në minutën e 40-të, kur Kimmich goditi saktë në zhvillimet e një goditje nga këndi, duke lënë të palëvizur portierin vendas.
Pjesa e dytë vijoi në të njëjtën melodi, me Bayernin që kishte nën kontroll gjithçka dhe arriti të administronte çdo gjë në mënyrë perfekte deri në fund. Kështu, bavarezët sigurojnë gjysmëfinalet e Kupës së Gjermanisë, ku janë favorit kryesor për të ngritur trofeun në finalen që zhvillohet në Berlin.