Protesta e Metës, mijëra qytetarë nga rrethet mbërrijnë në Tiranë

Mijëra qytetarë të nisur nga rrethet me automjetet e tyre private, kanë mbërritur në Tiranë për t’iu bashkuar protestës së presidentit Ilir Meta, me moton në mbrojtje të Kushtetutës.

Ndërkohë, nga ana tjetër, policia ka marrë masa të forta duke kontrolluar me imtësi automjetet e pasagjerëve dhe makinat private të qytetarëve. Krahas policisë rrugore, ka pasur edhe forca të rendit në disa prej akseve nacionale.

Sipas bluve qëllimi i këtyre postblloqeve ka qenë kontrolli i dokumentacionit dhe identifikimi i personave të dyshuar që janë në kërkim prej policisë.

Ndërkohë burime pranë subjekteve politike në Fier, kryesit LSI dhe PD kanë bërë me dije se kontrollet kanë në objektiv edhe personat që shkojnë drejt tubimit të thirrur nga presidentit Meta në kryeqytet. Po të njëjtat burime saktësojnë se nuk ka organizimeve për lëvizjen e qytetarëve me autobus dhe pjesa më e madhe e tyre kanë lëvizin me automjeteve private.

LEXO EDHE  Alfred Cako plas ‘bombën’: Antenat 5G tek senatoriumi po vrasin të sëmurët

Mësohet se më shumë se 2500 qytetarë nga Fieri, Patosi, Roskoveci, Mallakastra e Vlora, pritet të bëhen pjesë e tubimit të orës 17:00.

Qytetarë të shumtë janë nisur edhe nga Shkodra, Lezha, Kukësi, Elbasani, Durrësi dhe Korça.