Para pak kohësh, kur i përmendej në studiot televizive se në kryeqytet, apartamentet po shtoheshin pa krtiter, kryebashkiaku Erion Veliaj justifikohej se Tirana ka nevojë për 7 mijë apartamente në vit.
Por, tërmeti i 26 nëntorit ka nxjerrë zbuluar mashtrimet e Veliajt. Shumë ndërtesa u shpallën të pabanueshme, duke lënë mijëra njerëz të pastrehë që qeveria duhet t’u gjejë zgjidhje.
Pronarët e firmave ndërtuese, janë shprehur se kanë mijëra apartamente të lira duke ja ofruar qeverisë për t’i blerë për të pastrehët, siç ishte dhe rasti i biznesmenit Dulaku i cili tha se ka 2500 apartamente të lira.
Pra, e vërteta nuk qenkërka ashtu siç na i paraqet kryebashkiaku i Tiranës, por ajo është tjesht një mashtrim i radhës i tij.
Këtë gjë e ka vënë re faqja Lolita në rrjetin social Facebook ku shkruan:
“Kryetari i bashkisë, për të justifikuar lejet e ndërtimit pa kriter, betonizimin e shëmtuar të Tiranës, thoshte se Tirana ka nevojë për 7000 apartamente në vit. Megjithëse nuk na tregoi kurrë nëse kishte bërë ndonjë studim për këtë çështje. Tani nga dolën këto 2500 apartamente të lira? Për mos thënë që numri i apartamenteve të lira mund të jetë akoma më i madh…”
