Kryeministri Edi Rama ka postuar në rrjet një video, ku shfaqet një familje e varfër në Këlcyrë. Përmes videos, mësohet se qeveria kësaj familjeve i ka premtuar një banesë të re, por reagimet e komentuesve janë të shumta.
Mes përkrahësve të Ramës, të cilët i thurrin laved dhe i japing kurajo, janë me dhjetra qytetarë që ngrenë shqetësimet me të cilat përballen ccdo ditë dhe nuk gjejnë zgjidhje.
Ndër mesazhet që i përcillen Ramës janë edhe ato për punësim, madje i kërkohet që në vend që t’i premtojë ndërtimin e një shtëpie, t’i gjejë punë familjarëve.
Një qytetare i shkruan Ramës se i ka shkruar disa herë për rastin e dy fëmijëve jetimë që jetojnë pa drita dhe nuk ka marrë asnjë përgjigje. Ndërsa një tjetër i kërkon që të mos fshijë komentet e qytetarëve dhe të duket sikur ka vetëm mirëqënie.