Dy bashki, Skrapari dhe Prrenjasi, kanë shpallur falimentin dhe s’kanë rroga për punonjësit e tyre, përveç se nuk ofrojnë shërbime. Janë bashki të majta. Ka shumë rrezik që qeveria të falimentojë dhe shteti të përfundojë si në 1990.
Kështu u shpreh Sekretari për Çështjet Ligjore në PD, Çlirim Gjata, në emisionin Opinion, duke shtuar se shteti mund të jetë në prag të falimentit.
Gjata theksoi se problemi është se Edi Rama ose duhet të ikë ose duhet të përballet me popullin, pasi nuk ka më ndërmjetës mes tij dhe popullit.
“Opozita ka propozuar qeveri tranzitore, duke mos marrë pjesë në të. Kërkohet që të vendoset prokuroria në linjat e veta, të funksionojë dhe godasë krimin e organizuar.
Të gjithë njerëzit, që rrezikojnë të marrin rrogat në zyrat e Edi Ramës do shkojnë dhe do ia kërkojnë”, tha Gjata.
