Shqipëria nuk gjen qetësi nga lëkundjet sizmike. Pasditen e sotme në orën 17:03 minuta u regjistrua lëkundja e tërmetit me epiqendër në Domje të Vorës me magnitudë 4.3 të shkallës rihter, me thellësi 10 km.
Tërmeti është ndjerë në Tiranë, Durrës dhe në Fushë-Krujë duke rikthyer frikën tek qytetarët. Në muajin e fundit që pas tërmetit tragjik të 26 nëntor, pasgoditjet kanë vijuar. Kujtojmë se nga tërmeti i fuqishëm i 26 nëntorit, mbetën 51 viktima dhe qindra të plagosur.
