Arben Kraja, i cili sot u zgjodh nga KLP për të drejtuar SPAK, paralajmëroi se do të ishte i ashpër me cilindo që shkel ligjin.
Pas shpalljes së vlerësimeve nga KLP, ku Kraja u përzgjodh si drejtues i SPAK, ndërkohë që në garë ishin edhe prokurorët Altin Dumani dhe Edvin Kondili, ai ftoi qytetarët që të kenë besim te Prokuroria Anti-Korrupsion.
“Falenderoj të gjithë anëtarët, edhe ata që s’më votuan. Qytetarët të kenë besim pasi do të bëjmë gjëra të mira. Do jem i ashpër me këdo që shkel ligjin,”- u shpreh Kraja.
Arben Kraja u zgjodh si drejtues i SPAK me 6 vota pro, nga 11 anëtarë të pranishëm. Ndërsa Altin Dumani mori 4 vota dhe Edvin Kondili 1 votë.
