Një aksident i rëndë ka ndodhur këtë mbrëmje në aksin rrugor Shkodër-Hani i Hotit. Sipas informacioneve paraprake, dy automjete janë përplasur me njëra tjetrën dhe për pasojë, dyshohet se katër persona kanë mbetur të plagosur rëndë.
Identiteti i të plagosurve ende nuk bëhet me dije por mësohet se janë nisur me urgjencë drejt spitalit për të marrë ndihmë mjekësore.
Raportohet se policia dhe Grupi hetimor ndodhen në vendngjarje për të zbardhur rrethanat dhe shkaqet e aksidentit.
Njoftimi i Policisë
Malësi e Madhe/ Informacion Paraprak
Me datë 04.12.2019, ora 16:10, në aksin rrugor Shkodër-Koplik në vendin e quajtur fshati Vrakë janë përplasur 2 mjete, si pasojë janë dëmtuar rëndë shtetasit: R. M. 22 vjeç, banuese ne qytet Koplik, E. Ç. 25 vjeç, banues ne fshatin Grud Fushe M.Madhe, Gj. I. 53 vjeç, banues ne fshatin Vrake Malësi e Madhe, dhe E. M. 23 vjeç, banues ne fshatin Grud Fushe Malësi e Madhe të cilët ndodhen në Spitalin Rajonal Shkodër.
Grupi hetimor po kryen veprimet në vendngjarje për sqarimin e rrethanave të aksidentit.
