Një 23-vjeçar është plagosur rëndë me mjete të mprehta, pas një sherri ku janë përfshirë edhe dy persona të tjerë. Ngjarja e rëndë ka ndodhur në Laç.
Mësohet se i plagosuri, E. M, 23 vjeç, është transportuar drejt spitalit të Traumës në Tiranë, për shkak se gjendja e tij shëndetësore ka qenë e rëndë.
Policia ka arrestuar agresorët, V.H. 24 vjeç dhe K.S. 48 vjeç, të dy banues në Laç.
Ata, në bashkëpunim me njëri-tjetrin, janë konfliktuar fizikisht me shtetasin E.M. 23 vjeç, dhe e kanë plagosur me thikë.
Dy të arrestuarit tani akuzohen nga Prokuroria Pranë Gjykatës Shkallës Parë Kurbin për “Plagosje të rëndë me dashje” kryer në bashkëpunim”.
