Opozita nuk i bëri asgjë qeverisë, po goditi Shqipërinë në sytë e botës.
Është ky reagimi i Kryeministrit Edi Rama lidhur me protestën e opozitës, e mbajtur një ditë më parë në bulevardin Dëshmorët e Kombit.
Kryeministri ka reaguar pas jehonës së protestës së opozitës në mediat ndërkombëtare, ndërsa shkruan e cilëson politikën e opozitës si qorre, pa vizion dhe pa program.
“Çfarë trishtimi e jehona e shëmtisë së djeshme nëpër mediat e dynjasë! Politika qorre e një opozite pa vizion,pa program, pa lidership, nuk i bëri asgjë dot qeverisë po goditi Shqipërinë në sytë e botës dhe u dha material të tërë atyre që duan sebepe kundër negociatave me BE #TURP”, shkruan Rama.
