Gjykata Kushtetuese ka vendosur që Erion Veliaj të vijojë detyrën si kryetar i Bashkisë së Tiranës, duke rrëzuar vendimin e Qeverisë për shkarkimin e tij dhe anuluar dekreti i Presidentit Bajram Begaj për caktimin e datës së zgjedhjeve në kryeqytet.
Pas këtij vendimi, kreu i PD-së Sali Berisha, ka komentuar se me këtë vendimmarrje është zbatuar ligji, ndërsa sipas tij, presidenti dhe kryeministri ishin “të rrëzuar” për mënyrën se si vepruan në këtë çështje.
“Këtë e komentoj si një vendim të gjykatësve, që në këtë rast zbatuan ligjin. Por këtë e komentojë gjithashtu si një dhuratë që Edi Rama, që nuk njeh asnjë lloj ligji dhe morali, ja bëri padashje kundërshtarit të tij kryesor brenda partisë, Erion Velisë.
Sepse e trajtoi atë si një serial killer, duke më detyruar të dilja unë në mbrojtje të të drejtave njerëzore të tij.
E trajtoi në atë mënyre që shkeli Konventën Europiane të të Drejtave të Njeriut, Kushtetutën dhe çdo lloj standardi të shtetit të së drejtës. Harram Begaj dhe Edi Rama janë të palosur që të dy, janë të rrëzuar me këtë vendim”, tha mes të tjerash Berisha.
LEXO EDHE:
“Mëshira” e Liderit/ Si Rama do i lejojë një “fitore” të vogël Veliajt në Kushtetuese
