Dy shqiptarë të moshës 33 dhe 38 vjeç janë dënuar të hënën me katër vjet burg në Holandë, pasi rezultojnë se janë autorë 65 vjedhje në Limburg. Vjedhjet e tyre përfshinin biçikleta, bizhuteri, para dhe shumë sende të tjera, duke përfshirë edhe një monitor për fëmijë.
Tashmë autorët janë në burg prej rreth një viti. Në gjyqin e tyre muajin e kaluar, ata shprehën disa fjali pendese. “Me vjen keq. I kërkoj falje të gjitha viktimave. Kam bërë një gabim të madh. Për shkak se kam borxhe, i kam kryer vjedhjet”.
Fakti është se autorët rreth të tridhjetave janë hajdutë profesionistë. Ata kanë vjedhur gjithashtu në Greqi, Luksemburg dhe Mbretërinë e Bashkuar, ndër të tjera.
Faktet kanë ndodhur mes 18 shkurtit 2022 dhe 27 shkurtit 2023. “Këto janë gjueti të vërteta. Ndonjëherë ata kryenin deri në dhjetë krime në natë. Autorët kanë përdorur pseudonime të ndryshme dhe karta identiteti dhe leje drejtimi false”, thuhet në njoftimin e Prokurorisë Publike.
Në aktgjykim, gjyqtari i quajti vjedhjet “një shkelje e rëndë e privatësisë, që çon në një ndjenjë të përgjithshme pasigurie, ashtu si formimi i bandave dhe grupet kriminale shëtitëse”.
