Ish-kryeministri Sali Berisha, ka folur për mediat pas mbylljes së seancës plenare ku u miratua mes tymit e flakës, buxheti i vitit 2024.
Berisha shprehet se ky ishte akti më i shëmtuar në historinë e Kuvendit. Ai shprehet se flakadanët në Kuvend që vendosi opozita, dogjën procedurën antikushtetuese, teksa shton se “Kjo dëshmon drejtësinë dhe betejën pa kthim të opozitës”.
Berisha: Ata kaluan brenda 5 minutash këtë akt. Jemi këtu si proces klandestin. Buxheti, akt themelor i këtij parlamenti, duhet të merrte të gjithë dimensionet. Nuk ka evidenca as për votim, dhe as për cicërim të shërbëtores së Ramës, Lindita Nikollës. Kjo dëshmon drejtësinë dhe betejën pa kthim të opozitës. Pasi u bë e pamundur hajdutëve që të mbrojnë vjedhjet e tyre dhe të mashtrojnë shqiptarët. I bëri të pamundur Ramës që të ligjërojë vjedhjen e gjobës më të madhe. Ata flakadanë dogjën procedurën antikushtetuese. A e pe ti se Rama po ndiqte FB tim. Aty ishte kohë proteste.
