Kreu i grupit të PD, Gazment Bardhi akuzoi dhe një njëherë socialistët për mbrojtjen që i bënë Belinda Ballukut, duke mos i hequr imunitetin pas kërkesës së SPAK.
Sot Prokuroria e Posaçme njoftoi sekuestrimin e një vile të Ballukut, që e kishte fshehur në emër të ish futbollistit Igli Tare në Dhërmi.
Lidhur me këto zhvillime, gjatë fjalës së tij në Kuvend, Bardhi ka nxjerrë pamjet nga vila e Ballukut, ndërsa akuzoi socialistët se mbrojtën korrupsionin me forcën e kartonit.
“Ju u bëtë karton i kuq për të mbrojtur korrupsionin e Belinda Ballukut. Ju mbrojtët këtë vilë që po jua tregoj në foto. Një vilë që Belinda Balluku e merr përmes një firme. Bëni mirë që e ulni kokën dhe po ju them se nuk është një vilë, por dy vila. Inkurajoj SPAK-un të vazhdojë hetimet. Ju duhet të kërkoni ndjesë ndaj shqiptarëve dhe ndaj atyre që luftojnë kundër korrupsionit”,.- është shprehur Bardhi.
