Partia Demokratike i është kundërpërgjigjur me të njëjtën mënyrë Partisë Socialiste për konfliktin fizik e regjistruar në seancën e fundit plenare në Kuvend mes deputetëve Vullnet Sinaj dhe Bledjon Nallbati.
PD ka kallëzuar në SPAK deputetin Vullnet Sinaj, ku e akuzon për kryerjen e veprës penale “Goditje për shkak të detyrës”. Më herët për të njëjtën akuzë, kallëzoi në SPAK edhe PS deputetin Bledjon Nallbati.
Nëse shpallesh fajtor për këtë vepër penale mund të dënohesh nga gjobë deri në tre vite burgim.
Ndërkohë, pas kallëzimit të grupit parlamentar të PS ka ardhur një reagim dhe nga deputeti Vullnet Sinaj, i cili në një prononcim për mediat shprehet se deputeti Nallbati e goditi, por ai e priti grushtin me dorë.
“Nëse SPAK më thërret do të shkoj. Nuk kam frikë nga drejtësia. Aty janë videot e se u kam pritur me dorë grushtin. Ai ka goditur por unë e kam pritur me dorë. Ndodhi ai incident që ndodhi. Mund të ndodhte dhe me një koleg tjetër. Si deputet them se duhet të ketë komision dhe për Berishën.”– tha Sinaj.
