Ka marrë fund arratia e Klered Bozhanajt, 42-vjeçarit që qëlloi me armë efektivin e “Shqiponjave”, Edlir Alleshi, mbrëmjen e kaluar në kryeqytet.
Bozhanaj është arrestuar pak orë më parë pranë banesës së tij, siç mund të shihet edhe në pamjet e mëposhtme, ndërsa bëhet me dije se me vete kishte dhe armën e krimit, e cila është sekuestruar në cilësinë e provës materiale.
“Në vijim të veprimeve kërkimore të kryera nga strukturat e DVP Tiranë, për kapjen e autorit të ngjarjes së ndodhur mbrëmjen e djeshme, shtetasit Klered Bozhanaj, 42 vjeç, i cili ka tentuar të vrasë me armë zjarri punonjësin e Policisë, inspektor E. A., ju informojmë se:
Gjatë kërkimeve intensive të zhvilluara për kapjen e shtetasit Klered Bozhanaj, strukturat e Policisë kanë lokalizuar dhe ndaluar autorin e dyshuar.
Në cilësinë e provës materiale është sekuestruar arma e zjarrit pistoletë, e përdorur gjatë krimit”,- njofton Policia.
