Napoli është në festë, pasi ka fituar pas 33 vitesh përsëri Serinë A. Një kampionat i fituar me meritë pas një dominimi absolut duke krijuar diferencë shumë të madhe me të tjerët.
Ndaj edhe rivalët kanë pranuar dominimin e skuadrës së Spaletit dhe menjëherë pas mbylljes së ndeshjes në Udine, erdhën edhe urimet nga skuadrat që kishin të njëjtin objektiv.
Interi ishte i pari, duke uruar klubin napolitan dhe trajnerin Luçiano Spaleti për këtë sukses të rëndësishëm.
Il Presidente Steven Zhang e tutto il Club si congratulano con il @sscnapoli e con Luciano Spalletti per la conquista dello Scudetto.
— Inter ⭐⭐ (@Inter) May 4, 2023
Thuajse në të njëjtën kohë erdhi edhe urimi i Milanit, që e cilësonte fitoren të merituar dhe një arritje të madhe.
Congratulations to @sscnapoli for winning the Scudetto: a great achievement and a deserved title
— AC Milan (@acmilan) May 4, 2023
Pak më vonë, erdhi edhe mesazhi i Juventusit, por me një tallje të përfshirë mes urimeve, duke konfirmuar edhe rivalitetin e ndezur mes dy klubeve.
“Duke parë komplimentet e shumta që kemi marrë në këto vite, nuk mund të mungonim. Urime Napolit për fitoren e titullit të tij të tretë”, ishte postimi i Juventusit, që me sa duket ka gjetur një mënyrë për të nënvlerësuar suksesin e napolitanëve, aspak në stilin e “Zonjës së Vjetër”.
Visti i tanti complimenti ricevuti in questi anni non potevamo esimerci 😄
Congratulazioni al @sscnapoli per la conquista del suo terzo scudetto!
— JuventusFC (@juventusfc) May 4, 2023
