Është zbardhur dëshmia e 62-vjeçarit, Vasil Babinis, i cili qëlloi me sëpatë në kokë, bashkëfshatarin, Vasil Begolli.
‘Isha i dehur, nuk mbaj mend’,– kështu është shprehur para efektivëve, 62 vjeçari, duke mos treguar asgjë nga ajo që ndodhi.
Konflikti mes të moshuarëve nisi në një lokal, pas një loje me letra dhe u zhvendos më pas në banesën e 73-vjeçarit. Ngjarja u raportua fillimisht si aksidentale, pasi i plagosuri tha se ishte rrëzuar aksidentalisht në oborrin e banesës së tij, por u zbardh më pas nga blutë e Korcës, të cilët vunë në pranga autorin.
