Është arrestuar këtë të Enjte një Qarkullonte i armatosur 49-vjeçari me rrezikshmëri të lartë shoqërore në fushën e krimeve kundër personit.
Ai është kapur me pistoletë me fishek në fole, gati për qitje.
Uniformat blu bëjnë me dije se 49-vjeçari, ishte dënuar 2 herë më parë, për vrasje dhe për vrasje të mbetur në tentativë.
Sekuestrohen arma e zjarrit pistoletë, municioni luftarak dhe 1 automjet.
“Shërbimet e Policisë Kriminale të Komisariatit të Policisë Fier, bazuar në inteligjencën informative për një shtetas me rrezikshmëri shoqërore që mund të qarkullonte me armë zjarri me vete, kanë organizuar dhe finalizuar operacionin policor të koduar “Hoxhara”. Si rezultat i këtij operacioni, në fshatin Hoxharë, u bë kapja dhe arrestimi në flagrancë i shtetasit: Sh. K., 49 vjeç, banues në Fier, i dënuar 2 herë më parë, për veprat penale “Vrasja”, “Vrasja”, kryer në bashkëpunim, mbetur në tentativë, dhe “Mbajtja pa leje e armëve, armëve shpërthyese dhe e municionit luftarak”, bën me dije policia.
Gjithashtu, në cilësinë e provës materiale u sekuestrua edhe automjeti tip “Benz” me të cilin udhëtonte ky shtetas.
Materialet i kaluan Prokurorisë pranë Gjykatës së Rrethit Gjyqësor Fier, për veprime të mëtejshme.
