Një ngjarje e pazakontë është regjistruar ditën e sotme në kryeqytet. Një grua, e cila po drejtonte një makinë tip ‘Benz’ për pak ka qenë duke shtypur një kalimtar në vijat e bardha në momentin që ky po kalonte.
Nuk ka mjaftuar kjo por drejtuesja e mjetit ka zbritur nga makina dhe siç duket në videon e publikuar nga ‘JOQ’ ajo e shtyn kalimtarin dhe i vë duart në fyt.
Në video duket momenti kur kalimtari tenton të sqarohet duke i thënë se ka qenë duke i shtypur këmbën dhe se ai ndodhet në vijat e bardha dhe ajo është gabim. Ajo ka vazhduar më tej duke e shtyrë. Video është regjistruar nga kalimtarë të rastit.
