Gjykata e Athinës ka lënë në burg, 28-vjeçarin shqiptar Kledi Sulollari pasi akuzohet se dhunoi një 20-vjeçare greke pasi nuk pranoi të kryente marrëdhënie me të.
Sipas mediave vendase, me kërkesë të prokurorisë dhe hetuesisë Sulollari është lënë në burg deri në përfundim të hetimeve dhe në caktimin e seancës së gjyqit ndaj tij.
Përveç dëshmisë së të dhunuarës dhe fqinjit që arriti ta shpëtonte atë, ndaj 28-vjeçarit kanë dalë akuza dhe nga një person i dytë i cili dëshmoi se ai për rreth dy orë ka tentuar të hyjë në dhomën e saj të gjumit ndërkohë që masturbohej teksa e shihte atë. Pikërisht nga kjo ngjarje janë publikuar dhe pamjet e momentit kur shqiptari kryente aktin e turpshëm në publik
“Ai bënte lëvizje të turpshme… Po të hynte, çfarë do të ndodhte? Unë isha brenda katër mureve. i po përpiqej të hynte. Nuk kuptova asgjë, isha në gjumë. Në kohën kur erdhi i dashuri im, atë herë ai e pa atë. U përpoq për dy orë të futej brenda”!” – deklaroi vajza.
Si ndodhi ngjarja?
Shqiptari i cili ka marrë dhe nofkën ‘Dragoi i Pireut’, u kap në afërsi të sheshit 25 Mars në Nice, pasi sulmoi dhe tentoi të përdhunonte një të re, e cila po kthehej në shtëpi. Kur ajo rezistoi, 28-vjeçari filloi ta godiste me grusht në fytyrë dhe trup. Një banor dëgjoi thirrjet e vajzës për ndihmë dhe njoftoi policinë. Efektivët në vendngjarje dhe identifikuan autorin rreth një kilometër nga vendi i sulmit, i cili përputhej me përshkrimin e vajzës.
