Deputetja e Partisë Demokratike, Jorida Tabaku në një deklaratë për mediat nga Korça, ka folur për paketën e re fiskale duke thënë se qytetarët nuk e meritojnë trajtimin që po u bën qeveria, teksa po legalizon paratë e krimit dhe korrupsionit.
“Unë kam 3 vite që flas kundër amnistisë fiskale dhe është një temë që do ta flas edhe sot më studentët, mendoj që Shqipëria e 2022 nuk meriton të diskutojë ligj për të falur korrupsionin dhe krimin e organizuar. Është e pabarabartë përballë ligjit, është jo e drejtë, arrogante dhe qytetarët e Korçës që paguajnë taksa me një normë 90% nuk e meritojnë këtë trajtim nga qeveria”, shprehet Tabaku.
Teksa është pyetur se pse është kjo ngutje e maxhorancës për paketën fiskale, Tabaku ka thënë se qeveria duhet të ofrojë atë që nuk e ofroj gjatë pandemisë
“As unë nuk e kuptoj, sot Shqipëria ka nevoja të tjera, ka nevojë për një vizion ekonomik që të dalë nga kriza, që qeveria Shqiptare te ofrojë atë që nuk e ofroj gjatë pandemisë. Është e vërtetë që kemi një prekje të ekonomisë nga kriza botërore por pjesa më e madhe e prekjes është nga kriza shqiptare”, ka thënë deputetja.
Lajmeve që shtatori do ishte i zjarrtë, mirëpo jemi ne fund tetori dhe protestat kanë qenë të pakta, deputetja demokrate ka thënë se ka arfhur ditya që fjalën ta kenë të rinjtë.
“Unë besoj që ka ardhur dita të flasim me të rinj, t’ua lemë fjalën të rinjve, ka mënyra të ndryshme si bëhet opozita me fjalë, argumente, protestë. Unë besoj se e kam treguar që di ta bëj, s’ka rëndësi ku e bëj në sallë apo në rrugë”, tha Tabaku.
Ndërsa pyetjes që nëse ka tym të bardhë nga negociatorët, Tabaku i është përgjigjur shkurtimisht duke thënë: Pyet negociatorët.
