Një person ka ndërruar jetë ditën e djeshme, në Kosovë, si pasojë e plagëve të marra nga sulmi me thikë.
Ngjarja e rëndë ka ndodhur në Podujevë, ndërkaq policia raporton se gjithçka nisi si pasojë e një mosmarrëveshje në trafik.
Viktima është dërguar për trajtim mjekësor në QKUK, por nuk ka arritur t’i mbijetojë lëndimeve të shkaktuara.
“Lëndime të rënda trupore ka pësuar viktima mashkull kosovar pasi i njëjti dyshohet se pas një mosmarrëveshje në trafik, është goditur me thikë nga një person i dyshuar mashkull i panjohur për të. Viktima është dërguar në tretman mjekësorë në QKUK, por nuk ka arritur t’iu mbijetoj lëndimeve të shkaktuara dhe ka ndërruar jetë. Me urdhër të prokurorit, trupi i pa jetë i viktimës është dërguar në IML për obduksion. Rasti është duke u hetuar nga njësitet kompetente policore”, njofton policia.
Ndërkaq nuk raportohet për të arrestuar, shtuan të njëjtët burime.
