Një i ri shqiptar është dënuar me 4 vit burg në Itali, pasi akuzohet se ka tentuar të përdhunojë një grua.
Sipas mediave italiane, i riu shqiptar, identiteti I të cilit ende nuk dihet, ishte shpallur në kërkim nga Italia, dhe u arrestua në Greqi.
Ngjarjet, siç raporton gazeta La Nazione, ndodhën shkurtin e kaluar në Forte dei Marm. Një grua po ecte përgjatë shëtitores. Në një moment, nga errësira, ka dalë 21-vjeçari shqiptari, i cili e ka hedhur përtokë. Djali tentoi të përdhunonte gruan, e cila ndërkohë po përpiqej të çlirohej nga duart e të riut dhe bërtiti për ndihmë. Për fat të mirë, aty rastiti një burrë, i cili dëgjoi të qarat dhe ndërhyri menjëherë.
Më pas u njoftua edhe Policia. Në atë moment gruaja ka denoncuar gjithçka por kërkimi dhe arrestimi i të riut nuk ishte i lehtë. Për t’i shpëtuar drejtësisë u strehua në Shqipëri dhe prej andej në Greqi. Më pas i riu u gjet nga policia greke së bashku me agjencinë Frontex në kufirin mes Greqisë dhe Maqedonisë së Veriut.
Pasi mbërriti me aeroplan në Fiumicino, i riu u transferua në burgun Civitavecchia, ku edhe do të vuajë dënimin e tij me 4 vite.
Burimi: ilgiornale.it
