Fatbardh Kapllanaj, 46-vjeçari i cili ishte shpallur në kërkim për prodhimin e 262 kg kanabis që iu gjetën në banesë në vendin e quajtur “Çairet”, në pranverë të këtij viti, është arrestuar nga policia këtë të Martë.
Kapllanaj ishte shpallur në kërkim, së bashku me shtetasit E. K., 22 vjeç dhe K. K., 21 vjeç. 21-vjeçari u lokalizua dhe u arrestua më 12 prill të këtij viti.
46-vjeçarit, banues në Kaninë, Vlorë, Gjykata e Rrethit Gjyqësor Vlorë i ka caktuar masën e sigurisë ”Arrest në burg”, për veprat penale “Kultivimi i bimëve narkotike”, “Prodhimi dhe shitja e lëndëve narkotike” dhe “Vjedhja e energjisë elektrike”, të kryera në bashkëpunim.
“Vijon puna për kapjen e shtetasit E. K, të shpallur në kërkim në kuadër të këtij operacioni”, njofton policia.
