Barcelona mori sërish një refuzim nga Bayern pasi dërgoi një ofertë të tretë për polakun Robert Lewandowski.
Bayern dëshiron të mbajë Lewandowskin dhe duket se do të vazhdojë të refuzojë ofertat derisa të marrë 50 milionë eurot e kërkuara. Ndaj oferta e tretë e katalanasve rezultoi e pasuksesshme edhe pse arriti në 40 milionë euro të garantuara plus 5 milionë euro bonuse.
Në moshën 34 vjeçare, Lewandowski ka edhe një vit tjetër kontratë me Bayernin, ndaj duket qartë se çmimi është mjaft i lartë. Polaku e ka marrë vendimin shumë kohë më parë dhe dëshiron një transferim te Barcelona, ndërkohë që edhe klubi katalanas po e pret me padurim.
Gjithashtu është spekuluar se sulmuesi do të bojkotojë gjithçka nëse Bayerni nuk dorëzohet, çka do të thotë se nuk ka ndërmend të paraqitet në përgatitjet e skuadrës bavareze.
