Kryeministri Edi Rama nëpërmjet një videoje të postuar në rrejtion social “facebook” ka njoftuar nënshkrimin e marrëveshjes ndërmjet kompanisë Albgaz dhe kompanisë spanjolle ENAGAS.
Ndërkohë teksa foli gjatë videos, Rama tha se sa i përket energjisë, vareshim nga moti, pasi nëse do të kishte thatësirë do të krijoheshin vështirësi për prodhimin e energjisë elektrike.
Fjala e Ramës në Madrid: Është kënaqësi të them që jemi me energji 100% të ripërtëritshme në Shqipëri. Vjen me dhimbje koke sepse 100% me energji të ripërtëritshme por nuk jemi të diversifikuar deri tani në burimet tona të ripërtëritshme.
Varemi nga ai lart, humori i tij, nëse nuk do të qajë është vërtet e vështirë, por tashmë po investojmë në energjinë diellore. Nesër do të inaugurojmë nisjen e ndërtimit të parkut të parë diellor, i pari në rajon. Po punojmë që të bëjmë diçka edhe me erën.
Postimi i Plotë nga Edi Rama:
Madrid – Nënshkruhet Memorandumi i Mirëkuptimit ndërmjet Albgaz dhe kompanisë prestigjoze spanjolle ENAGAS, për t’i hapur rrugë bashkëpunimit mbi një sërë projektesh të Qeverisë Shqiptare në sektorin e gazit. Po tërheqim çdo ditë e më shumë interesimin e kompanive më të njohura në Europë e SHBA në rrugën e transformimit të Shqipërisë në një pikë të rëndësishme hyrje e shpërndarjeje të gazit për gjithë rajonin
