Barcelona po përpiqet të ndalojë turizmin e tepërt, duke rritur tarifën për vizitorët e kroçerave me 100%.
Autoritetet kanë dyfishuar taksën turistike për pasagjerët e anijeve turistike, duke e rritur tarifën ditore në 8 euro për person.
Sipas raportimee, ky vendim, i njoftuar nga kryebashkiaku Jaume Colboni, synon të adresojë problemin e turizmit të tepërt dhe trafikun e rënduar në qytet. Kryebashkiaku tha se dëshiron të dekurajojë pasagjerët e anijeve turistike dhe të tërheqë turizëm cilësor, jo një përqendrim të tepërt vizitorësh.
“Dua t’i dekurajoj pasagjerët e anijeve turistike që të vijnë në Barcelonë. Turizmi duhet t’i shërbejë qytetit, jo anasjelltas. Ne duam turizëm cilësor. Ne jemi të interesuar për vizitorë profesionistë. Ajo që nuk duam është një përqendrim i tepërt i turistëve”, tha Colboni.
Sipas Këshillit Bashkiak të Barcelonës, turizmi kontribuon rreth 14% të PBB-së së qytetit dhe mbështet më shumë se 150,000 vende pune. Megjithatë, autoritetet janë nën presion në rritje për të balancuar përfitimet ekonomike me cilësinë e jetës së banorëve vendas. Në të njëjtën kohë, qyteti i Vigos do të vendosë një taksë të re turistike në varësi të kategorisë së akomodimit dhe kohëzgjatjes së qëndrimit.
