Artur Haxhiu, 55 vjeçari shqiptar, i shpallur në kërkim nga policia italiane pasi plagosi 2 shqiptarë dhe një italian 3 ditë më parë, është arrestuar.
Shqiptari humbi gjurmët pasi braktisi furgonin e vjedhur nga kompania ku punonte në Bibone dhe gjeti një vend për tu fshehur.
Para dy vitesh njëri prej të plagosurve kishte denoncuar Artur Haxhiun se e kishte kërcënuar me thikë dhe në maj të këtij vitit 55-vjeçari u dënua me 2 muaj burg.
Dy personat e tjerë të plagosur kishin dëshmuar kundër tij në gjyq.
Të enjten, ushtria, pas tre ditësh kërkime dhe patrullime pa ndërprerje në të gjithë territorin në kufirin me Friuli Venezia Giulia, arriti të arrestojë 55-vjeçarin.
Ai u kap në një autobus përgjatë itinerarit Portogruaro – Latisana – San Michele al Tagliamento – Bibione, ndërsa më parë një telefonatë njoftonte 112 për shqiptarin e rrezikshëm.
