Protesta e sotme e qytetarëve para Kuvendit është shoqëruar me dhunë nga ana e policisë.
Në fotot e mbërritura në redaksinë e Boldnews, shihen qytetarë me dëmtime në gjymtyrë duar dhe këmbë.
Pamjet tregojnë se përplasjet kanë shkaktuar lëndime fizike tek disa prej protestuesve, duke shtuar shqetësimin për mënyrën e menaxhimit të situatës nga policia.
Protestuesit u mblodhën para Kuvendit ndërsa përsërisnin thirrjet për dorëheqjen e kryeministrit Edi Rama dhe largimin e të gjithë klasës politike.
Ata qëlluan me vezë edhe ndaj disa makinave të përfaqësuesve të qeverisë.
Dritan Hoxhaj dhe Shkëlzen Bushi u shoqëruan në polici gjatë tensioneve, ndërsa konfirmohet se numri i të shoqëruarve është 6.
