Pankartat janë kthyer në një nga elementët më të spikatur të protestës që po zhvillohet në Tiranë. Me mesazhe të drejtpërdrejta, ironike dhe shpeshherë plot humor, qytetarët kanë zgjedhur të shprehin pakënaqësitë e tyre ndaj klasës politike përmes sloganeve që tërheqin menjëherë vëmendjen.
Një nga pankartat që ka marrë më shumë reagime është ajo me mbishkrimin: “O Sali o fosil, ik me Ramën në azil”, një mesazh që vë në shënjestër njëkohësisht dy figurat kryesore që kanë dominuar politikën shqiptare për dekada.
Krahas thirrjeve politike, protestuesit kanë shfrenuar imagjinatën duke sjellë pankarta kreative, batuta dhe lojëra fjalësh, të cilat janë bërë shpejt virale në rrjetet sociale.
Për shumë pjesëmarrës, humori është kthyer në një formë proteste po aq të fortë sa sloganet tradicionale, duke përcjellë mesazhe të qarta kundër politikes.
Në këtë mënyrë, pankartat nuk kanë shërbyer vetëm si mjete komunikimi, por edhe si simbol i pakënaqësisë qytetare ndaj figurave që, sipas protestuesve, kanë mbajtur peng zhvillimin politik të vendit për vite me radhë.
