Një operacion antidrogë i policisë së Elbasanit në bashkëpunim me dy ekipe të FNSH, ka nisur mëngjesin e kësaj të shtune në Elbasan.
Sipas informacioneve paraprake, në kuadër të operacionit, po kryhen kontrolle në Prrenjas, Librazhd e Elbasan si dhe në disa bashki të tjera të qarkut.
Mësohet se janë lëshuar 18 urdhërarreste ndaj personave të dyshuar si të përfshirë në rrjete të trafikut dhe shpërndarjes së lëndëve narkotike.
Operacioni është ende në vijim dhe detaje të tjera pritet të dalin në vazhdim.
