Një plagosje me armë zjarri është regjistruar pasditen e sotme në zonën e Kamzës, ku një grua rreth 30 vjeçe ka mbetur e plagosur aksidentalisht me armë gjahu.
Sipas Policisë, rreth orës 15:30, shtetasja E.L, është paraqitur për ndihmë mjekësore në poliklinikë, pasi kishte marrë një dëmtim në faqe.
Nga veprimet e para ka rezutuar se një 73-vjeçar me iniciale, N.SH, ka qëlluar me çifte për të larguar një kafshë, por një saçmë ka devijuar duke goditur 30-vjeçaren, e cila ndodhej në oborrin e banesës së xhaxhait të saj.
Fatmirësisht, e dëmtuara ka marrë ndihmën e nevojshme mjekësore dhe më pas është kthyer në banesë, jashtë rrezikut për jetën.
Policia vijon hetimet për dokumentimin e plotë të rastit.
