Një ngjarje e rëndë është regjistruar këtë të premte, në një shkollë të mesme në Durrës, ku një 17-vjeçar ka humbur jetën në mënyrë të papritur.
Sipas Policisë, rreth orës 15:15, i riu ka qenë në ambientet e palestrës së shkollës kur është ndjerë keq dhe më pas ka humbur ndjenjat.
Ai është nisur me ambulancë drejt spitalit, por fatkeqësisht nuk ka mundur të mbijetojë.
Sipas Policisë, dyshohet se shkak i vdekjes të ketë qenë arresti kardiak, megjithatë priten rezultatet e plota për të konfirmuar shkaqet.
Grupi hetimor po punon për zbardhjen e rethanave të ngjarjes dhe dokumentimin e plotë të rastit.
