Maroku është skuadra e parë që siguron një vend në çerekfinalet e Botërorit, pasi mposhti bindshëm Kanadanë me rezultatin 3-0.
Sfida e zhvilluar në Houston u karakterizua nga ritëm i lartë dhe duele të forta në fushë, me marokenët që treguan më shumë kërkesë dhe cilësi në lojën e tyre.
Goli i parë erdhi në fillimin e pjesës së dytë, kur në minutën e 50-të, Ounahi zhbllokoi rezultatin duke i dhënë avantazhin skuadrës afrikano-veriore.
Kanadezët tentuan të reagonin për të rikthyer ekuilibrat, por në minutën e 82-të, pas një kundërsulmi të shpejtë, Ounahi realizoi golin e dytë personal, duke shfrytëzuar në maksimum asistin e Brahim Diaz dhe duke vulosur praktikisht fatin e ndeshjes.
Në minutat e fundit, festës iu bashkua edhe Rahimi, i cili shënoi golin e tretë dhe vulosi triumfin 3-0 të Marokut.
Me këtë sukses, Maroku bëhet skuadra e parë që kualifikohet në çerekfinale, ku do të përballet me fituesin e çiftit Paraguai-Francë. Nga ana tjetër, Kanadaja i jep fund aventurës në Botëror, duke e mbyllur me dinjitet turneun e parë si vend organizator.
