Ish-kryeministri norvegjez dhe ish-Sekretari i Përgjithshëm i Këshillit të Evropës, Thorbjorn Jagland, ka tentuar të vetëvritet, pasi i doli emrin në dosjen e skandalit të Jeffrey Epstein.
Sipas mediave të huaja, Jagand ka tentuar ti japë fund jetës, pasi policia norvegjeze po e heton atë nën dyshimin për “korrupsion të rëndë”, për lidhjet e tij me Epstein, i akuzuar si përndjekës dhe shfrytëzues seksual, i cili kreu vetëvrasje në burg në vitin 2019.
Pas tentativës së vetëvrasjes, Jagland, sipas raportimeve është shtruar në spital.
Referuar dosjes hetimore, Jagland i ka dërguar një e-mail Epstein, në kohën kur ishte Sekretar i Përgjithshëm i Këshilli i Europës, ku shkruan shkurt: “Kam qenë në Tiranë, vajza të jashtëzakonshme”.
E-maili është dërguar më 25 maj 2012, ndërsa vizita zyrtare e Jagland në Shqipëri ishte zhvilluar më 24 maj 2012, sipas axhendave dhe burimeve publike.
Sipas arkivave zyrtare, gjatë qëndrimit në Tiranë, Jagland zhvilloi takime institucionale me drejtuesit më të lartë të shtetit shqiptar, përfshirë ministrin e Jashtëm të asaj kohe Edmond Haxhinasto, kryeministrin Sali Berisha dhe Presidentin e Republikës Bamir Topi. Vizita ishte pjesë e angazhimeve zyrtare të Këshillit të Europës në Shqipëri.
Thorbjorn Jagland ka shërbyer si Sekretar i Përgjithshëm i Këshillit të Europës, institucion që mbikëqyr demokracinë, të drejtat e njeriut dhe shtetin e së drejtës në 47 vende. Ai ka qenë gjithashtu ish-kryeministër dhe ish-ministër i Jashtëm i Norvegjisë.
LEXO EDHE:
