Një ngjarje e rëndë është raportuar në Greqi, ku një 64-vjeçar shqiptar akuzohet se ka tentuar të abuzojë seksualisht me një 25-vjeçare me aftësi të kufizuara. Autoritetet greke e kanë shpallur në kërkim, ndërsa deri më tani ai nuk është lokalizuar.
Sipas mediave greke, 64-vjeçari ishte i njohur për familjen e vajzës dhe konsiderohej person i besueshëm. Ai madje i ndihmonte herë pas here me blerjet. Mësohet se njohja me nënën e 25-vjeçares kishte nisur në ambientet e një kishe.
Ngjarja është zbuluar nga nëna e vajzës, e cila ka treguar për mediat momentin kur është kthyer në banesë dhe ka kuptuar se çfarë po ndodhte. Sipas saj, sapo ka hyrë në shtëpi ka përballur autorin e dyshuar, i cili më pas është larguar nga vendi i ngjarjes.
Pas denoncimit, policia ka nisur kërkimet për kapjen e 64-vjeçarit. Nga ekspertiza mjeko-ligjore rezulton se nuk ka pasur abuzim të kryer, por hetimet vijojnë për sqarimin e plotë të rrethanave.
