Policia ka arrestuar autorin e dyshuar të vrasjes së 48-vjeçarit në Kavajë, ngjarje e ndodhur mesditën e djeshme në lagjen nr. 3 të qytetit.
Sipas Policisë, në pranga është vënë shtetasi Landi Puja 48 vjeç.
Ky shtetas, ditën e djeshme rreth orës 14:22, gjatë një konflikti për një vend parkimi, goditi disa herë me thikë shtetasin Skerdilajd Isufi, 48 vjeç. Si pasojë e plagëve të marra, ky i fundit ka humbur jetën.
Gjithashtu ëdhtë gjetur dhe sekuestruar në cilësinë e provës materiale mjetin prerës (thikën) me të cilin dyshohet se është kryer krimi.
Materialet procedurale i janë referuar Prokurorisë së Durrësit për veprime të mëtejshme.
