Kreu i Partisë Demokratike, Sali Berisha, i është bashkuar qytetarëve të mbledhur përpara godinës së Kryeministrisë, në kuadër të protestës kombëtare të thirrur nga PD.
Kjo është protesta e katërt kombëtare e organizuar nga Partia Demokratike, ku kërkohet dorëheqja e kryeministrit Edi Rama, me argumentin e akuzave për skandale korruptive që, sipas opozitës, përfshijnë qeverinë.
Kujtojmë se gjatë protestës së kaluar pati tensione dhe përplasje para Kuvendit, mes protestuesve dhe policisë, si edhe incidente pranë Kryeministrisë, ku u hodhën molotovë dhe fishekzjarrë.
