Moti i keq me reshje të dendura shiu që ka përfshirë vendin gjatë natës, ka rritur ndjeshëm nivelin e detit në Radhimë.
Sipas peshkatarëve, kjo rritje e nivelit të detit nuk është vërejtur më parë në këtë formë dhe intensitet, ndërsa ka vënë në rrezik varkat dhe magazinat e peshkimit.
Uji ka avancuar drejt tokës duke depërtuar në disa zona pranë qendrës së peshkimit ne Radhime ndërsa varkat e ankoruara janë tendosur fort nga litarët për shkak të ngritjes së menjëhershme të nivelit. Uji ka vërshuar edhe në magazinat pranë portit të peshkimit ne Radhime duke krijuar situatë shqetësuese për mjetet dhe pajisjet e punës.
Sipas dëshmive të peshkatarëve, rritja ka qenë më e madhe se baticat e zakonshme gati ne 1 m madje dhe me shume.
Ata shprehen se nëse kjo situatë vazhdon, ekziston rreziku që uji të dalë në rrugë dhe të shkaktojë dëme të mëtejshme. Gjithashtu, është vënë re se disa peshq kanë dalë në tokë, fenomen që zakonisht ndodh gjatë detit të trazuar ose ndryshimeve të forta të nivelit.
Sherif Dyrmishaj peshkatar shprehet për TCH, se këto ndryshime klimatike po na surprizojnë ku niveli i detit ka qënë mbi normalen madje dhe turma peshqish kanë dalë në toke kjo gjë jo normale.
“Niveli i baticës dhe zbaticës i zakonshëm është 40-60 cm por kësaj here ka qënë më shumë se 1 m, kjo është një e panjohur që nuk e dimë se cdo ndodh nesër.”
Po ashtu peshkatar që kanë qënë në atë ore duke peshkuar tregojne të habitur këtë fenomen të rrallë dhe sipas tyre nuk kanë parë kurrë më parë rritjen e nivelit të detit frikshëm.
