Media britanike “The Mirror” i ka kushtuar një artikull protestës së organizuar nga PD në Tiranë, duke theksuar se mijëra qytetarë u mblodhën përpara Kryeministrisë për të shprehur pakënaqësinë ndaj qeverisë dhe për të kërkuar drejtësi pas akuzave për korrupsion që rëndojnë mbi zëvendëskryeministren Belinda Balluku.
“The Mirror”, shkruan se demonstrata e thirrur nga Partia Demokratike u zhvillua si reagim ndaj hetimeve të SPAK, të cilat lidhen me dyshime për ndërhyrje në kontrata të mëdha shtetërore dhe favorizim të kompanive të caktuara në projekte infrastrukturore.
Në artikull përmenden konkretisht projektet për të cilat Balluku dyshohet se ka ndërhyrë në procedurat e tenderimit. Zëvendëskryeministrja i ka mohuar akuzat, duke i cilësuar ato si “insinuata” dhe “gjysmë të vërteta”.
“Një krizë politike është thelluar në Shqipëri që kur prokurorët antikorrupsion akuzuan zëvendëskryeministren Belinda Balluku për ndërhyrje në kontratat e mëdha shtetërore në fund të tetorit.
Ajo dyshohet se ka ndërhyrë në tenderat publikë për të favorizuar kompani specifike në projekte infrastrukturore, si Unaza e Madhe e Tiranës dhe Tuneli i Llogarasë. Balluku i ka mohuar akuzat ndaj saj, duke i quajtur ato “insinuata”, “gjysmë të vërteta” dhe “gënjeshtra.
Pavarësisht se u hoq nga detyra në nëntor nga Gjykata e Posaçme Kundër Korrupsionit dhe Krimit të Organizuar – SPAK, Balluku u rikthye në pushtet nga gjykata kushtetuese muajin e kaluar, duke çuar në protesta të gjera. SPAK ka tentuar t’i heqë imunitetin parlamentar për të lejuar arrestimin, por ky vendim është shtyrë deri më 28 janar.” shkruhet në artikull.”, shkruhet në artikull.
